主页 > E生活史 >《跑得慢、唔够快、无速度的上半场 成为车路士的失分关键》 >


《跑得慢、唔够快、无速度的上半场 成为车路士的失分关键》

《原创文章 欢迎转载 请列明出处 谢谢》-请支持蓝狮 Facebook专页-《跑得慢、唔够快、无速度的上半场 成为车路士的失分关键》 按此观看图片 .图片来源 : Evening Standard不败记录未断,更令沙利成为以新主帅嚟讲最长不败记录的一人,可惜嘅係车路士喺今场波失分。远征欧霸分组赛过后,蓝军回到史丹福桥迎战另一支蓝色球队爱华顿,虽然车路士在主场优势下一直襟住对方嚟踢,不过最终双方都互无入球下各执一分,当中车路士攻力问题亦彻底浮现。沙利今场源用番球队联赛阵容,只係由高华锡取代近期正选而要面对旧会嘅巴克利,攻击线上嘅柏度亦先列后备,阵容上无乜太大变动。「跑得慢、唔够快、无速度 」可以话完全係车路士上半场嘅写照,开波初段受制于对手严密布防之下,球队只有零星攻势,而传波好多时都係交人而唔係交位,就算交位都係接唔到居多,球员与球员之间嘅互动配合非常之少,现位、走动亦都唔多,入局太慢可以话係车路士以往嘅老问题。到下半场喺更衣室出返嚟,可能经沙利一番调整过后,球员们都开始积极主动推番快个比赛节奏,传球速度亦都快咗,好自然可以牵引到对手腾出更多空位有利进攻,其实车路士喺下半场的确有几下相当接近入球嘅机会,可惜一係中柱,一係就柱边出界又或者比神勇嘅碧福特扑出,只能够讲实在欠运。双方埋身接触多,但球証喺一啲吹罚上似乎都有啲不公之嫌,主队球员多番被侵犯下球証都视若无睹无比得益,令「 拖肥」嘅动作继续变本加厉。不过沙利喺一啲临场调动下的确做得唔错,曾经有球迷质疑佢话即使佐真奴无表现都唔会换走,今场正正用行动去话比大家听事实并非如此,用法比加斯入替佐真奴,由于球队下半场控制咗唔少攻势,西班牙中场一落场可以话达到「 一针见血」嘅效果,同时亦都睇到佐真奴欠缺法比加斯传球嘅「独到性」。至于柏度换入韦利安,相信都唔需要多讲,反而想讲嘅係喺最后一个换人名额之下对沙利嘅解读...后备度上有巴克利同基奥特两位攻击手,后者能够喺禁区拉散、牵制对手,传中时亦能够多个高点顶波攻门,而前者能够后上前插,同时亦有禁区外远射,最终沙利选择换入巴克利喺前面增加一个攻击点亦实在无可厚非,而喺法比加斯落场后似乎大大减少咗高华锡嘅拎波次数,只係做驳脚居多,巴克利虽然技术上未及得上佢咁好,不过喺向前跑动嘅攻击意识好强,可以令球队喺进攻上多一道板斧。不过今场失分之下,沙利务必正视球队入局太慢哩个问题,否则下次对住一啲更强主守嘅球队就只会再次失分。文章最后更新时间 : 12/11/2018 14:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

上一篇: 下一篇:

相关推荐